“Durrësi nuk e beson më këtë gaztor dhe gënjeshtar!” Kuçi: ZERO pallate të ndërtuara në 1 vit

Cirkun propagandistik të radhës së kryeministrit në largim e quan kryetarja e LSI Durrës, Kontjana Kuçi, vizitën e Ramës në qytetin bregdetar.

Sipas Kuçit, Rama gënjeu kur tha se do të ndërtohen 12 pallate në qytet dhe të tjera në lagjen e re në Spitallë.

Sipas saj, në harkun kohor të një viti janë ndërtuar Zero pallate në Durrës.

Postimi i plotë:

Kryeministri në largim erdhi sërish në Durrës për xhirimin dhe cirkun propagandistik të radhës.

Gënjeu sërish me premtimin se do ndërtohen 12 pallate në qytet dhe të tjera në lagjen e re të Spitallës ndërkohë që ZERO ZERO ZERO pallate të ndërtuara në Durrës prej mëse 1 viti dhe ZERO punë në lagjen e re të premtuar në Spitallë.

Përmendi financimin e qeverisë të Emirateve të Bashkuara të marra para dy javësh dhe nuk jep asnjë shpjegim se ku i çoi 1.15 miliardë Eurot që mori borxh për rindërtimin përpara një viti.

Durrësi nuk e beson më këtë gaztor dhe gënjeshtar që bën cirk dhe propagandë me fatkeqësinë e banorëve të Durrësit të cilët vazhdojnë të jetojnë në çadra dhe kontenierë.

Më 25 prill Durrësi do e shporrë përgjithmonë këtë të ligë të madhe për vendin dhe do jetë dita e nisjes së RINDËRTIMIT TË VËRTETĒ të Durrësit dhe mbarë Shqipërisë