Dy cisterna ruse të naftës, Volgoneft-212 dhe Volgoneft-239, pësuan dëmtime të rënda dhe u fundosën në Detin e Zi duke u u mbytur. Nga kjo ngjarje është shkaktuar derdhje e një sasie të madhe nafte në det.
Një total prej 29 anëtarësh të ekuipazhit ishin në bordin e anijeve, sipas autoriteteve ruse.
Një video e publikuar në rrjete sociale tregon një nga cisternat duke u fundosur gjatë një stuhie të fortë, ndërsa njollat e naftës janë të dukshme në ujë.
Një marinar raportohet se ka humbur jetën. Incidenti ndodhi në ngushticën Kerç, e cila ndan Rusinë nga gadishulli i aneksuar i Krimesë.
Presidenti rus Vladimir Putin urdhëroi formimin e një grupi të posaçëm për t’u marrë me krizën, nën mbikëqyrjen e zëvendëskryeministrit Vitaly Saveliev, raportojnë mediat ruse.
Në të njëjtën kohë, po kryhet një hetim për aktivitet kriminal, sipas agjencisë TASS.
Rimorkiatorë, helikopterë dhe më shumë se 50 persona po zhvillojnë një operacion shpëtimi.
Agjencia ruse e transportit detar, Rosmorrechflot, tha se dy cisternat kishin ekuipazhe prej 15 dhe 14 përkatësisht dhe një kapacitet prej rreth 4,200 tonë naftë secila.
Shtrirja e plotë e derdhjes së naftës dhe gjendja e saktë e anijeve mbeten të paqarta.
Megjithatë, incidenti sjell ndërmend një aksident të ngjashëm në vitin 2007, kur Volgoneft-139 u përgjysmua gjatë një stuhie në ngushticën e Kerçit, duke derdhur më shumë se 1000 ton naftë.
