Nga Ruzhdi CARA
Në vitin 1944 -1945, shumë durrsakë mes të cilëve edhe shkruesi i këtyre radhëve kanë ndjekur gjimnazin e Tiranës, i cili ndodhej në ndërtesën ku sot është fakulteti i shkencave të natyrës.
Atje u njohëm me zotin Abedin Preza, një nga nxënësit më mirë të gjimnazit. Pas vitit 1945 ne u kthyem të vazhdojmë në gjimnazin e Durrësit, atje sot ku është shkolla “16 shtatori”.
Abedini rridhte nga një familje e pasur tiranase. Mbaroi gjimnazin në vitet 1948-1949 me vlerësimin “Shkëlqyeshëm”. Por, për arsye të kohës nuk mundi të vazhdojë studimet e larta.
Me mbarimin e shërbimit ushtarak punoi në fermën e frutave në rrethinat e Tiranës si punëtor krahu.
Çdo ditë ai mblidhte fjalë dhe frazeologji nga fshatarët e zonës ku punonte dhe në darkë i shkruante në bllokun e tij.
Meqë dinte mirë gjuhën italiane punon me zell e përkushtim për përgattjen e dy fjalorëvë shqip – italisht me 27.000 fjalë në vitin 1986, dhe në vitin 1990 boton fjalorin Italisht shqip me 40.000 fjalë.
Pas viteve ’90 ai së bashku me të birin, Ervin Preza, edhe ai përkthyes, arrin të botoj veprën e tij madhore “Fjalori i madh shqip-italisht me 50.000 fjalë, 145.000 shembuj dhe 1.080 fjalë të urta”.
Abedin Preza ka dhe botime të tjera, me stë cilëve përmendim përkthimin në gjuhën shqipe të poetit të mdh italian Carlo Alberto Salustri, i njohur si TRILUSA.
Ka përkthyer nga shqipja në italisht vëllimin poetik “La poesia Albanese nelle pagine di un’antologia”.
Në vitin 2002, bashkëpuntori i tij më i ngushtë, i biri Ervin PREZA humb jetën në një aksident automobilistik në malin e Dajtit.
Në kushtet e kësaj dhëmbjeje të thellë, Abedin Preza, përktheu në kujtim të tij poemën e famshme “Orlandi i çmendun” nga poeti i madh italian i shekullit të 15-të Ludoviko Ariosto. Përkthimi i saj i mori dhjetë vjet kohë.
Gjatë gjithë jetës së tij ka botuar në shtypin e kohës përkthime të poetëvë italianë në gjuhën shhqipe dhe të poetëve shqiptar në gjuhën italiane.
Për punën titanike të bërë , ambasada Italiane në Shqipëri i dorëzoi Abedin Prezës titullin e lartë të Republikës “ Kavalier i punës dhe letrave italiane” në vitin 2015.
