Presidenti rus Vladimir Putin nuk ka parë videon e publikuar nga gruaja e Alex Navalnyt, Yulia Navalnaya.
Këtë deklaratë e bëri zëdhënësi i Kremlinit Dmitry Peskov, duke i quajtur të pabazuara pretendimet e saj se burri i saj ishte helmuar me Novichok.
Kur u pyet në lidhje me pretendimin e Yulia Navalnaya se Putin vrau burrin e saj, Peskov nuk pranoi të komentonte. Megjithatë, zëdhënësi i Kremlinit komentoi se akuzat, sipas të cilave Putin është përgjegjës për vdekjen e Navalny, janë të pabaza dhe të neveritshme.
“Ai u helmua me novichok, Putini e vrau”, deklaroi dje e veja e Navalnyt.
Pretendimi se Alexei Navalny, rivali kryesor i Vladimir Putinit në Rusi, u helmua me kimikatin Novichok u ndez më tej të hënën pasdite me një video të postuar në rrjetet sociale nga gruaja e tij duke thënë” “Vladimir Putin vrau burrin tim. Diku në një burg në Rrethin Arktik, Putini jo vetëm që vrau Alexei Navalny si person, ai donte të vriste shpresën tonë, lirinë, të ardhmen tonë”.
Ajo akuzoi Rusinë për fshehjen e trupit të burrit të saj pasi ajo që pret Moska, është që gjurmët e novichok të zhduken nga trupi i tij.
Në video, e veja e Navalnyt zotohet gjithashtu se do të bëjë publike emrat e personave të përfshirë në vdekjen e bashkëshortit të saj dhe arsyen pse ai dha frymën e fundit në “burgun e ujkut”.
“Unë dua të jetoj në një Rusi të lirë, dua të krijoj një Rusi të lirë, do të vazhdoj punën e Alexei Navalny”, shtoi Yulia Navalnaya.
“Unë nuk kam frikë, mos ki as ti. Ju ftoj të qëndroni pranë meje, të mos ndajmë vetëm trishtimin dhe dhimbjen që na ka përqafuar dhe nuk thotë të na lësh të shkojmë. Ju ftoj të ndani tërbimin dhe urrejtjen për ata që guxuan të vrasin të ardhmen tonë. Unë ju flas me fjalët e Alekseit, të cilat i besoj vërtet. Nuk ka turp të bësh pak ose aspak, të lejosh që të të trembin. Ajo që na duhet është një Rusi e lirë, paqësore dhe e lumtur. Rusia e mrekullueshme e së ardhmes që burri im ëndërronte. Kjo është ajo që na duhet”, tha gruaja e Navalny.
