Një e mitur nga një fshat i Lipjanit ka denoncuar mësuesin, i cili sipas saj ka abuzuar seksualisht me të për gati 2 vjet. Ajo ka thënë se abuzimi ka filluar kur ishte vetëm 13 vjeçe.



I dyshuari, arsimtari A.S. është i moshës 58-vjeçare. Ngacmimet seksuale prej tij dyshohet se kishin filluar qysh kur e mitura ishte në klasën e gjashtë. Marrëdhëniet seksuale kishin filluar në klasën e tetë, për të vazhduar deri në klasën e nëntë, më saktësisht deri para muajit tetor të vitit të kaluar.



Sipas të dhënave të organeve të ndjekjes, të siguruara nga “Koha Ditore”, viktima ka deklaruar se është joshur nga mësuesi në forma të ndryshme.