Fqinjët e 70-vjeçares e cila ka ndërruar jetë si pasojë e asfiksisë pasi banesa e saj u përfshi nga flakët ditën e sotme në Korçë kanë folur. Ata kanë treguar se e moshuara jetonte vetëm. Sipas tyre, Fluturie Potka kishte një vajzë dhe një djalë, ndërsa nuk kishte pranuar të jetonte me ta edhe pse prej disa muajsh ishte e paralizuar.

“Nuk kishte ndihma. Nuk pranonte të ikte të jetonte me djalin. Kishte disa muaj që ishte e paralizuar nga këmbët”, kanë deklaruar ata.