Cristiano Ronaldo është personaliteti i tretë, që fiton më shumë para në botë nga fotot e postuara në Instagram. Ylli portugez i Real Madridit, sipas studimit të publikuar nga kompania britanike “Hopper”, arkëton 400,000 euro nga fotot e postuara në këtë rrjet social. Vetëm Këngëtarja Selena Gomez (122 milionë ndjekës dhe 550,000 euro të ardhura për fotot) dhe e famshmja Kim Kardashian (100 milionë ndjekës dhe 500,000 euro për fotot) e tejkalojnë CR7 në “Top 10” e personave të mirënjohur, që fitojnë më shumë para për fotot e postuara në Instagram. Sportisti tjetër në këtë “Top 10” të përfitimeve për foto të hedhura në Instagram është LeBron James, me 30,7 milionë ndjekës dhe 120,000 euro të ardhura. Cristiano Ronaldo ka më shumë se 106 milionë ndjekës në llogarinë e tij zyrtare në Instagram, @cristiano, e cila ka bërë rreth 1,900 botime fotosh.