Një ngjarje tragjike ka ndodhur në Mesina, Itali, ku Sara Campanella, 22 vjeçe, është sulmuar me thikë dhe ka ndërruar jetë në spital.
E reja, e cila studionte për infermiere, ishte me origjinë nga Palermo dhe ndodhej në Mesina për arsye studimi. Sulmuesi dyshohet të ketë qenë një person i njohur për të, por motivet e krimit ende nuk janë sqaruar.
Ngjarja ndodhi në zonën e stadiumit në Viale Gazzi, ku e reja u godit fatalisht. Autoritetet italiane po vijojnë hetimet për të zbardhur rrethanat e plota të vrasjes.
