Një foshnjë e porsalindur është gjetur pa shenja jete në afërsi të Parkut të Qytetit të Prizrenit, rast të cilin policia po e heton si “Vrasje e foshnjës së porsalindur”.
“Policia në Prizren ka marrë një informatë, nga një dëshmitar, se në afërsi të Parkut të qytetit, gjendet një trup i pajetë. Bëhet fjalë për një foshnjë. Reagimi policor ka qenë i menjëhershëm, njësitë relevante kanë dalë në vendin e ngjarjes”, ka thënë zëdhënësi i Policisë së Kosovës.
“Është njoftuar Prokurori i Shtetit dhe me urdhër të tij trupi i pajetë është dërguar në IML për obduksion. Po ashtu në vendin e ngjarjes ka dalë edhe ekipi i Emergjencës ku mjeku ka konstatuar vdekjen e foshnjës”.
“Me këtë rast po merrren hetimet rajonale dhe po trajtohet si ‘Vrasje e foshnjës së porsalindur’, në konsultim me Prokurorin e Shtetit kështu do të fillojnë hetimet dhe po trajtohet si rast i kësaj natyre”.
