Një burrë është arrestuar në Francë pasi dyshohet se për më shumë se një dekadë ka mbajtur të mbyllur dhe të izoluar bashkëshorten e tij, duke e keqtrajtuar atë.
Sipas mediave të huaja rasti është zbuluar pasditen e kësaj të hëne, ndërkohë sipas zyrtarëve në banesë ku mbahej gruaja nuk janë konstatuar shenja gjaku. Gruaja, e cila mbahej fshehur në një dhomë prej 12 vitesh, nuk ka fraktura akute apo mavijosje, megjithatë, gjendja e saj fizike është mjaft e keqe.
Autori i dyshuar aktualisht ndodhet në paraburgim dhe është marrë në pyetje nga policia.
Sipas dëshmisë së tij, ai thotë se gruaja ishte e sëmurë me kancer. Ndërkohë mësohet se ka qenë vetë gruaja që ka mundur të marrë në telefon policinë dhe të bëjë denoncim.
Më pas policia ka shkuar në banesë dhe e ka gjetur atë pa rroba, të fshehur në katin e dytë të banesës ku jetonin.
