Teuta në mundje zhvilloi një performancë mjaft pozitive në Kupën e Shqipërisë zhvilluar këtë fundjavë në sallën sportive “Farie Hoti” në kryeqytet.
Teuta e drejtuar nga trajneri Sinan Trimi, u përfaqësua me 14 mundës në Kupën e Shqipërisë, dhe mori 3 vende te para, 5 vende të dyta dhe 4 vende të treta.
![](https://durreslajm.al/app/uploads/2024/02/Snapinsta.app_429668906_17996995727599340_2220621770014012554_n_1080.jpg)
Endrio Avdyli, Marjus Malko dhe Haxhi Sina, morën medalje ari në kompeticionin e dytë më të rëndësishëm në vend pas kampionatit.
![](https://durreslajm.al/app/uploads/2024/02/Snapinsta.app_409005501_17996995745599340_6306848370116589039_n_1080.jpg)
Teuta grumbulloi 205 pikë në total, vetëm 10 pikë më pak se Tirana, e cila fitoi Kupën e Shqipërisë.
![](https://durreslajm.al/app/uploads/2024/02/Snapinsta.app_429676654_17996995682599340_1692971035192178286_n_1080-1024x770.jpg)
Teuta priste medalje ari nga mundësi Sure Vrioni, por durrsaku edhe pse ishte në avantazh neglizhoi në fund duke humbur dhe si rrjedh u penalizua edhe ekipi, që me pikët e tij mund të rrëmbente trofeun e Kupës.
![](https://durreslajm.al/app/uploads/2024/02/Snapinsta.app_408974245_17996995691599340_7721387495504441953_n_1080.jpg)