Bien me 10 përqind të ardhurat nga taksat e lojrave të fatit në vitin 2015. Sipas të dhënave nga administrata tatimore, të ardhurat nga “kazinotë dhe lojrat” kanë zbritur nga 5.3 miliardë lekë në 4.8 miliardë lekë. Kjo rënie vjen pasi një vit më parë të ardhurat ishin rritur me 47%. Në krahasim me vitin 2014, kur numri total i licencave të lëshuara nga autoritetet përgjegjëse ishte 56, në vitin 2015 ishin në fuqi 26 leje për lojra fati. Një ndryshim tjetër në regjistrin e subjekteve të licencuara është rritja e numrit të subjekteve me NIPT sekondar, nga 1271 në 3464, për kategorinë “baste sportive”. Nga ana tjetër, numri i kazinove elektronike është ulur.