Operatori i Shpërndarjes së Energjisë Elektrike njofton se për vitin 2015 ka kursyer 61 milionë Euro si rrjedhojë e uljes së sasisë dhe reduktimit të çmimit për njësi të energjisë së blerë për periudhën Janar – Dhjetor të vitit të kaluar. Përmes një njoftimit për meadiat, OSHEE sqaron se 42 milionë Euro u kursyen si rrjedhojë e uljes fizike të humbjeve, 12 milionë Euro u kursyen si rrjedhojë e blerjes së energjisë nga importi me çmim më të ulët dhe 7 milionë Euro u kursyen si rrjedhojë e aplikimit të marrëveshjes ndërmjet OSHEE dhe Korporatës Elektroenergjitike Shqiptare.