Presidenti Bujar Nishani ishte mbrëmjen e sotme në një takim me përfaqësues të biznesit dhe institucioneve. Gjatë fjalës së tij, ai tha se biznesi i sotëm nisi pa asnjë trashëgimi, nisi nga hiçi dhe nga zeroja. Gjithashtu, Nishani u garantoi atyre se do i inkurajojë në rrugën e vështirë të biznesit. “Biznesi i sotëm nisi pa asnjë trashëgimi, nisi nga hiçi dhe nga zeroja. Ju inkurajoj në rrugën e vështirë, e të të bërit biznes! Zhvillimi i biznesit shqiptar është një realitet. Falë jush, këmbënguljes suaj, lodhjeve tuaja, pasionit tuaj për të bërë biznes, biznesi shqiptar ka tashmë një histori, ndonëse modeste. Historia është përvojë, përvoja garanci, garancia është një shpresë për të ardhmen që ju padyshim do ta keni dhe shqiptarët do e gëzojnë. Mundësia për të bërë biznes, si pjesë e lirisë, është oportunitet.  Mbarëvajtja e biznesit është ajo që e bën shoqërinë, t’i shohin sytë, e t’i dëgjojnë veshtë. Është ajo që shoqërinë e mban gjallë. Gjendja e biznesit tonë nuk është rozë, por as e zezë,” – tha presidenti Nishani.