Ekskluzive e “Dyrrahut”/ Zviceranët kërkojnë Armando Vajushin

SOFJE, 1 prill 2013 – Numri i sotëm i gazetës Bullgare “Tema Sport” ka shkaktuar një sensacion të vërtetë në mediet sportive bullgare për shkak të lajmit se zviceranët interesohen për futbollistin shqiptar të “Litex”-it, Armando Vajushi.

Agjencia e lajmeve “Dyrrah” ka përkthyer nga origjinali lajmin e titulluar “Zviceranët vijnë për Armando Vajushin / “St Gallen” sjell një përfaqësues në ndeshjen e kthimit për kupën e Bullgarisë Litex-Levski”.  Ja teksti i raportit:

“Perfomancat e larta të sulmuesit të “Litex”-it Armando Vajushi nuk kanë mbetën pa u vënë re në Evropë.

Interes serioz për shqiptarin po shfaqin disa klube zvicerane, ka zbuluar “Tema Sport”.

Pritet që të mërkurën në ndeshjen e kthimit të Kupës së Bullgarisë kundër “Levski”-t në lozhën e stadiumit në Loveç të jetë një përfaqësues i klubit “St Gallen”.

Aktualisht ekipi është në vendin e tretë në superligën zvicerane, duke pasur shans edhe për titullin. “St Gallen”-i është 6 pikë larg vendit të dytë, “Grasshopper”-it dhe dhe 9 pikë larg “Basel”-it.

Vjeshtën e vitit të kaluar mediet e vendit të çokollatave shkruanin se Vajushin e dëshironin edhe ekipet “Young Boys” dhe “Luzern”.

Në mars sulmuesi 21-vjeçar u thirr në ekipin kombëtar të Shqipërisë për kualifikueset për për Kupën së Botës në ndeshjen kundër Norvegjisë.

Vajushi erdhi te “Litex”-i në fillim të vitit 2012, por duke nënshkruar një kontratë për 3 vjet e gjysmë.

Pritet që përballja me “Levski”-n në Kupë të ketë prani serioze menaxheriale. Sipas ekspertëve, në Loveç do të vijnë agjentë nga Italia, Polonia, Anglia dhe Holanda, që do të vëzhgojnë lojtarët e veshur në blu”.

Kuotimi i basteve, ndeshjet e kthimit të Kupës së Bullgarisë më 3 prill 2004

Renditja në kampionatin zviceran

/th. m. Agjencia e lajmeve “Dyrrah” /