Kryetarja e Bashkisë së Durrësit, Emiriana Sako ka uruar qytetarët durrsakë dhe të gjithë shqiptarët me rastin e festës së Kurban Bajramit.
“Kjo festë e sakrificës sjelltë tek të gjithë ju dhe familjet tuaja sa më shumë shëndet, paqe, begati e mirësi”, shkruan ndër të tjera kryebashkiakja në “Facebook”.
Postimi i plotë:
Uroj besimtarët myslimanë, qytetarët e Durrësit dhe të gjithë shqiptarët për festën e Kurban Bajramit.
Në këtë festë të bekuar, e cila në thelbin e vet ka sakrificën, përkushtimin, adhurimin por edhe devotshmërinë e solidaritetin, uroj me gjithë zemër për më tepër humanizëm, respekt dhe ndihmë ndaj njëri-tjetrit e veçanërisht për ata që kanë më tepër nevojë!
Kjo festë e sakrificës sjelltë tek të gjithë ju dhe familjet tuaja sa më shumë shëndet, paqe, begati e mirësi.
