Një moment dramatik dhe emocional u regjistrua drejtpërdrejt në ekranin e CNN Turk, kur gazetarja Meltem Bozbeyoğlu ishte duke transmetuar lajme për tërmetin që goditi Stambollin të mërkurën. Ndërsa po informonte publikun për zhvillimet e fundit, lëkundjet e fuqishme të tërmetit e gjetën atë në një situatë të papërgatitur, duke treguar anën më të ndjeshme të profesionit të gazetarit.
Në mes të transmetimit live, Bozbeyoğlu, duke përjetuar frikën e momentit, u drejtua emocionale ndaj koleges së saj për të telefonuar nënën e saj, me fjalët: “Mami, je mirë? Të lutem, fol!” Ky reagim i papritur u bë menjëherë viral, duke prekur mijëra zemra në rrjetet sociale.
Pas këtyre fjalëve, një tjetër moment prekës ndoqi: nëna e Meltem, Tülay Bozbeyoğlu, u lidh në transmetim live për të siguruar të gjithë se ishte në rregull. Me një zë të dridhur nga emocionet, ajo ndau pasigurinë që ndjente kur pa vajzën e saj në ekran, pa ditur nëse ishte e sigurt.
