Policia e Lushnjës godet një grup, i cili shpërndante droga të forta në qytet. Burime zyrtare pohuan se ne kuader të operacionit te koduar “Louse” ne pranga rane 3 persona.
Pas një hetimi 3 mujor të ndjekur me metodat proaktive nga efektivët e Komisariatit të Lushnjes, u arrestuan në flagrancë shtetasit:
- 1.Ervis Çoku, 34 vjeç. banues në Lushnje.
- 2.Erjon Çoku, 39 vjeç, banues në Lushnje.
- 3.Ervin Kiptiu, 38 vjeç, banues në Lushnje.
Gjatë kontrolleve të ushtruara në ambjentet e frekuentuara nga personat e lartëpërmendur janë gjetur dhe sekuestruar:
•30 doza me lëndë narkotike e dyshuar Heroinë
•Një sasi lëndë narkotike e dyshuar Cannabis Sativa.
•Një armë zjarri e tipit pistoletë zastava
•Një krëhër me 8 copë fishekë.
Për të tre shtetasit e arrestuar, Gjykata e Shkallës së Parë Lushnje ka caktuar masën e sigurisë “Arrest me burg” për veprën penale “Prodhimi dhe shitja e narkotikëve” e kryer në bashkëpunim, parashikuar nga Neni 283/2 i Kodit Penal.
Po vijohet me veprimet e mëtejshme hetimore me qëllim dokumentimin e plotë të kësaj veprimtarie kriminale si dhe bashkëpunëtorëve të tjerë të perfshirë.
