Policia ka dalë me një informacion paraprak, pak minuta pas vrasjes së një personi mbrëmjen e sotme, pranë Pediatrisë në QSUT.
Viktima është Devi Kasmi, 41-vjeç. Pasi e kanë qëlluar viktimën, autorët janë larguar me shpejtësi nga një rrugë dytësore me një motor
Në vendin e ngjarjes kanë shkuar forca të shumta policie, ndërsa janë ngritur pika kontrolli me qëllim kapjen e autorit.
Njoftimi i policisë:
Rreth ores 18.44 ne Sallen operative ka ardhur nje telefonate se ne rrugen “Kongresi i Manastirit” ka te shtena me arme.
Menjehere ne vendngjarje kane shkuar forca te shumta polici ku ka rezultuar se:
Ne nje rrugice qe lidhet me rrugen Kongresi i Manastirit, ne afersi te Morgut eshte vrare me arme zjarri shtetasi D.K, rreth 40 vjeç.
Jane ngritur pika te shumta kontrolli, si dhe po krihet zona.
Grupi hetimor ne vendngjarje po fikson dhe grumbullon çdo prove qe mund te çoje ne identifikin e autoreve.
