Shqiptari nga Kosova, Erzen Zyberaj i cili ndërmori aventurën e tij me rastin e 111-vjetorit të pavarësisë së Shqipërisë duke përshkuar 260 kilometra nga Prishtina për në Tiranë, mbërriti sot në kryeqytet.
Ai u prit nga nënkryetari i Bashkisë së Tiranës Andi Seferi, i cili e vlerësoi edhe me një medalje.
“Jam shumë i lumtur për respektin nga Bashkia e Tiranës. Normalisht është sfiduese shumë për shkak të kushteve klimatike që ndeshëm, por ia arritëm”, theksoi Zyberaj.
Ai tha gjithashtu se vrapimi nga Prishtina për në Tiranë për ditën e 111-vjetorit të pavarësisë ka një simbolikë të jashtëzakonshme. Zyberaj u nis paraditen e djeshme nga sheshi “Skënderbej” në Prishtinë për të mbërritur sot në sheshin me po të njëjtin emër në Tiranë ku u zhvillua për herë të parë edhe parada e shqiptarëve të ardhur nga e gjithë bota.
![](https://opinion.al/wp-content/uploads/2023/11/WhatsApp-Image-2023-11-28-at-16.41.07.jpeg)
![](https://opinion.al/wp-content/uploads/2023/11/WhatsApp-Image-2023-11-28-at-16.41.06-2.jpeg)
![](https://opinion.al/wp-content/uploads/2023/11/WhatsApp-Image-2023-11-28-at-16.41.06-1.jpeg)
![](https://opinion.al/wp-content/uploads/2023/11/WhatsApp-Image-2023-11-28-at-16.41.06.jpeg)
![](https://opinion.al/wp-content/uploads/2023/11/WhatsApp-Image-2023-11-28-at-16.41.05.jpeg)