12 tetor 2015 – Shqipëria u kualifikua për herë të parë për Kampionatin Europian që zhvillohet në Francë. Por, tifozët duhet të dinë edhe çmimet e biletave për çdo ndeshje, të cilat nisin nga 25 euro deri në gati 1 mijë euro. Faqja zyrtare e UEFA-s ka bërë publike çmimet e biletave për të gjitha ndeshjet e kampionatit Evropian, “Francë 2016”. Kështu në ndeshjen hapëse, që do të jetë vendi mikpritës Franca kundër një prej ekipeve që do të shortohet në grup, çmimet e biletave do të variojnë nga 75 euro për një biletë pas porte dhe deri në 595 euro për në tribunë.
Ndërkohë që për ndeshjet në grupe si dhe për fazën e parë të eleminimeve direkte, çmimet do të jenë më të arsyeshme duke variuar nga 25 euro pas porte e deri në 145 euro në tribunë.
Ndeshjet e fazës së grupeve në kampionatin evropian do të zhvillohet nga 10-22 qershor 2016. Ndërsa finalja e këtij kompeticioni do të mbahet më 10 korrik nga ora 21:00.
Ndeshjet e Kampionatit Evropian do të luhen në plot 10 stadiume nga më elektrizuesit, ndërsa ndeshja e parë dhe finalja do të luhen në stadiumin kryesor francez “Stade de France” me një kapacitet maksimal prej 80 mijë vendesh.
Stadiumet ku do të luhet Evropiani:
Stade de France (Saint-Denis)
Stade Vélodrome (Marseille)
Grand Stade OL (Lyon)
Stade Pierre Mauroy (Lille)
Parc des Princes (Paris)
Futur Stade de Bordeaux (Bordeaux)
Stade Geoffroy-Guichard (Saint-Etienne)
Allianz Riviera (Nice)
Stade Bollaert-Delelis (Lens)
Stadium de Toulouse (Toulouse)
Stade de France stadium
Çmimet e biletave:
Ndeshja hapëse:
Kategoria 4: €75
Kategoria 3: €195
Kategoria 2: €395
Kategoria 1: €595
Faza e grupeve – raundi i 16:
Kategoria 4: €25
Kategoria 3: €55
Kategoria 2: €105
Kategoria 1: €145
Çerekfinalet:
Kategoria 4: €45
Kategoria 3: €85
Kategoria 2: €135
Kategoria 1: €195
Gjysmëfinalet:
Kategoria 4: €65
Kategoria 3: €165
Kategoria 2: €295
Kategoria 1: €495
Finalja:
Kategoria 4: €85
Kategoria 3: €295
Kategoria 2: €595
Kategoria 1: €895
/portali DurresLajm/
