Portugalia u shpall Kampione e Evropës në futboll edhe pse paraqitja e saj nuk ishte aspak frymëzuese apo dinjitoze sipas analistëve të futbollit.
Për këtë arsye, ka nisur një peticion për riluajtjen e finales së Euro 2016. Peticioni ka marrë në 24 orë mbi 115 mijë firma.
“Portugalia mashtroi, nuk e meriton trofeun”, thuhet në përshkrim.
Gjithsesi, një peticion i tillë është pak a shumë i ngjashëm me atë të organizuar në Britaninë e Madhe një ditë pasi u vendos me referendum për dalje nga BE.
Që do të thotë se nuk ka asnjë efekt, por thjesht është një përpjekje për të mbajtur ende gjallë diskutimet për fituesin.
