Këngëtari Butrint Imeri ka mbajtur një koncert me rastin e 17 shkurtit në Brescia të Italisë. Ai ka performuar para fansave të tij shqiptarë në Itali, këngët e tij më të suksesshme ndër vite.
Butrinti kohëve të fundit është kthyer në një prej personazheve më të përfolur ditëve të fundit në media, kjo pasi ish-e dashura e tij Kiara Tito është futur në shtëpinë e Big Brother VIP Albania.
Në koncertin e fundit të Butrint Imerit dikush ka bërë një pyetje mjaft provokuese për këngëtarin nga Kosova. Në videot e publikuara në rrjetet sociale, mund të shihet se si ata kanë shkruar në telefon pyetjen “A të mungon Kiara”. Gjithsesi nuk kanë marrë një përgjigje, pasi Butrinti ka vijuar performancën.
