Anthony Fauci, eksperti kryesor i sëmundjeve infektive amerikane, ka deklaruar se fakti që nuk i duhet të punojë më me Donald Trump është një “ndjenjë çliruese”.
Ai gjithashtu deklaroi se tashmë mund të flasë për të vërtetën shkencore për koronavirusin pa frikë nga “pasojat” e Donald Trump, raporton The Guardian.
Fauci këmbënguli se ai kishte qenë gjithmonë i sinqertë, duke vënë në dukje: “Kjo është arsyeja pse ndonjëherë kam pasur probleme.
Gjithashtu, ai deklaroi “Është shumë e qartë që u thanë shumë gjera – te tilla si hydroxychloroquine (një trajtim i nxitur nga Trump)- që vërtet ishte e pakëndshme sepse nuk ishte bazuar ne fakte shkencore”.
The Gardian raporton se Fauci u kthye në podiumin e Shtëpisë së Bardhë, pasi Joe Biden shpalli një strategji kombëtare kundër COVID-19 dhe nënshkroi 10 urdhra ekzekutivë për të luftuar një pandemi që ka marrë më shumë se 400,000 jetë në SHBA.
