FIER, 22 tetor 2013 –Në fshatin “Gryke” të komunës Topojë të Fierit, sherri për mospagesën e tavolinës në një lokal për pak sa nuk ka përfunduar në tragjedi.
Dy klientët M.M. 35 vjeç dhe K. B 30-vjeç kanë refuzuar të paguajnë për ato që kishin konsumuar në tavolinë.Diçka e tillë është pasuar me reagimin e pronarit, duke u përfshirë në sherr ku janë përdorur armë të ftohta dhe sende të forta. Për pasojë ka mbetur i plagosur me thikë në gjendje të rëndë pronari i lokalit , 40- vjeçari I. Kuqi, i cili mësohet se i është nënshtruar një ndërhyrjeje kirurgjikale. 
Ndërkohë që, 2 klientet nga fshati Sheqmarinë kanë marrë plagë të shkaktuara nga sende të forta, por ndodhen jashtë rrezikut për jetën.