Barcelona dhe Reali i Madridit janë dy ekipet me numrin më të madh të futbollistëve në formacionin më të mirë të vitit që lamë pas të shpallur nga FIFA në ceremoninë e mbajtur në Zyrih. I vetëm nga Bajerni është portieri Neuer, ndërsa braziliani i Thiago Silva nga PSG-ja rreshtohet në mbrojtje, së bashku me Marcelo-n, Sergio Ramos, Dani Alves. Në mesin e fushës është Paul Pogba i Juventusit, finalist i Champions League sezonin e kaluar; Andres Iniesta, si dhe Luka Modric. Në sulm një treshe ëndrrash: Lionel Messi, Neymar, Cristiano Ronaldo.
Ekipi më i mirë për vitin 2015: Manuel Neuer; Thiago Silva, Marcelo, Sergio Ramos, Dani Alves; Andres Iniesta, Luka Modric, Paul Pogba; Lionel Messi, Neymar, Cristiano Ronaldo.
