Një nga nënpresidentët e FIFA-s ka deklaruar qartë se Presidenti i SHBA-së, Donald Trump, nuk ka asnjë autoritet për të vendosur se cilat qytete do të presin ndeshjet e Kupës së Botës 2026.
Victor Montagliani, i cili është gjithashtu president i CONCACAF, i bëri komentet gjatë një konference në Londër, pas sugjerimeve të Trump se mund të zhvendoste ndeshje nga qytetet që ai i konsideron si “edhe pak të rrezikshme për Kupën e Botës”. Duke folur në një ngjarje të quajtur The Summit, pjesë e Leaders Week London, kanadezi Montagliani ishte i prerë në mesazhin e tij drejtuar Shtëpisë së Bardhë.
“Është turneu i FIFA-s, nën juridiksionin e FIFA-s, dhe FIFA merr këto vendime. Me gjithë respektin për liderët aktualë botërorë, futbolli është më i madh se ata dhe do t’i mbijetojë regjimeve, qeverive dhe sloganeve të tyre”.
Kupa e Botës 2026 do të organizohet në mënyrë të përbashkët nga Kanadaja, SHBA-ja dhe Meksika. Administrata Trump ka ndjekur politika që potencialisht mund të krijojnë probleme për organet drejtuese të futbollit.
