Këngëtarja e njohur, Fifi do të rikthehet sërish në shtëpinë e Big Brother Vip, por këtë herë jo si lojtare, por për të suprizuar banorët.
Artistja do të performojë një koncert gjatë prime-t të mbrëmjes së sotme në shtëpinë e BBV.
“Fifi rikthehet sonte në BBV! Një koncert surprizë për banorët dhe për çdo teleshikues”, shkruhet në postimin në faqen zyrtare.
Fifi ka qenë pjesë e Big Brother Vip 1, por këngëtarja braktisi garën për shkak të gjendjes së rënduar psikologjike.
Këngëtarja mori vendimin për t’u larguar nga shtëpia e BBV, pas incidentit që i ndodhi ku humbi ndjenjat gjatë spektaklit.
