Flori Mumajesi ka nisur 2023 duke qenë sërish kryefjalë e mediave.
Ai ka postuar një foto në Instagram ku shihet bashkë me moderatoren e njohur nga Kosova Liberta Spahiu. Krah fotos ai shkruan: “Pak tinza, amo pa kushte“, ndërsa e ka shoqëruar postimin me këngën “Larg nga sytë” të Naim Krasniqit.
Ky mbishkrim ka nxitur jo pak polemika, nisur nga fakti se para disa vitesh dyshja janë përfolur për një lidhje. Pasi u panë disa herë bashkë në publik, Flori dhe Liberta “u arratisën” nga sytë e publikut, duke mos zbuluar se çfarë ndodhi mes tyre.
Deri para disa muajsh kur u kthyen sërish në qendër të vëmendjes. Dyshja morën pjesë në një dasmë të një miku të përbashkët dhe në rrjet qarkulloi një video ku dukej se ata po shkëmbenin një puthje në buzë. Lidhur me këtë Liberta sqaroi:
“Liberta dhe Flori gëzojnë një shoqëri shumë të mirë nga një periudhë e gjatë këtu e 10-15 më parë, ndaj kjo nuk është hera e parë as e fundit që do ti hasim nën shoqërinë e njëri-tjetrit”.
