Mëngjesin e sotëm aktori i Portokallisë, Florjan Binaj është përfshirë në një aksident.
Ai ka vendosur që të qartësojë të gjithë ndjekësit nëpërmjet një mesazhi në llogarinë personale në Instagram, duke treguar se si ka ndodhur ngjarja madje duke dhënë edhe një këshillë për drejtuesit e automjeteve.
“Miq dhe mikesha, në aksidentin e sotshëm automobilistik unë fatmirësisht nuk kam pësuar asgjë, sepse sapo kisha dalë nga makina, por makina nuk e pati të njëjtin fat. Ju lutem të gjithë atyre që ngasin makinën duke bërë selfie e duke parë çfarë kanë bërë të tjerët në Facebook ose Instagram, hiqeni celularin nga dora kur i jepni makinës, sepse jeta juaj dhe e të tjerëve vlen më shumë sesa një like, një koment apo një share…
Faleminderit të gjithë atyre që janë bërë merak për gjendjen time shëndetësore. Gjithashtu faleminderit edhe atyre që iu bë qejfi që kjo ndodhi!”, ka shkruar Binaj.
Pra, duke marrë shkas nga ky incident, aktori kërkon të sensibilizojë njerëzit që të tregohen të kujdesshëm teksa janë në timon.
