Balerina e njohur shqiptare Isida Mollaymeri ka përjetuar emocionin më të madh të jetës, teksa është bërë nënë për herë të parë!
Artiste e skenës dhe një nga figurat më të njohura të baletit shqiptar, Isida ka sjellë në jetë një vajzë, të cilën e ka pagëzuar me emrin Ajlin.
Lajmin e bukur ajo e ndau me ndjekësit përmes një postimi të ëmbël në rrjetet sociale, ku publikoi nga spitali disa tullumbace me emrin e vogëlushes.
Ishte janari i këtij viti kur balerina zbuloi se ishte në pritje të ëmbël.
Përmes një videoje të publikuar në rrjete sociale, Mollaymeri u shfaq në festën e ‘baby gender’, së bashku me partnerin, ku zbuloi dhe se foshnja qe priste ishte vajzë.
