Këto janë pamjet e makinës tip “BMW” e cila u përfshi nga flakët mëngjesin e sotëm në lagjen nr.15 në Durrës dhe është shkrumbuar në pjesën e përparme.
Mësohet se automjeti është në pronësi të shtetasit Robert Xhangoli, i cili ka një biznes në fushën e transportit.
Për pasojë është rrezikur edhe shtëpia nga flakët duke qenë se makina ishte e parkuar afër derës së banesës.
Lidhur me ngjarjen, Policia ka njoftuar se ka shoqëruar disa persona të dyshuar që mund të kenë dijeni përkëtë situatë.
NJOFTIMI I POLICISË
Më datë 15.01.2021, në orën 03:30, në lagjen nr. 15, Durrës, ka marrë flakë mjeti tip “BMË”, në pronësi të shtetasit R. Xh. dhe si pasojë ka patur vetëm dëme materiale.
Në ambientet e Policisë Durrës janë shoqëruar disa persona të dyshuar që mund të kenë dijeni për ngjarjen.
Grupi hetimor ndodhet në vendngjarje dhe punon për zbardhjen e rrethanave të ngjarjes.
