Jo pak herë e kemi trajtuar problemin e mungesës së ndriçimit publik në rrugën “Hysen Myshketa”, në lagjen nr.5 më Durrës.
Pas zëvendësimit disa herë të kabllove të energjisë të cilat vidhen, fenomeni i vjedhjes është përsëritur sërish.
Rezultati?! Një komunitet i tërë në errësirë, pasi kur bizneset që ushtrojnë aktivitetin aty ulin qepenët, terri pushton të gjithë lagjen.
Megjithëse fenomeni i vjedhjes është përsëritur disa herë, policia nuk ka njoftuar zyrtarisht për person/a që janë ndjekur penalisht apo ndaluar për këtë vepër penale.
Të penalizuarit janë qytetarët që u duhet të kyçen herët në shtëpi, ose ta përshkojnë këtë aks në terr të plotë.
![](https://durreslajm.al/app/uploads/2023/12/b85ae3f2-e4cf-456b-83d5-21332e46676c.jpg)