24 prill 2015 – Këto foto të këtyre modeleve me ariun gjigant po habisin botën.
Fotot janë realizuar në një pyll në periferi të Moskës ku modelet Maria Sidorova dhe Lidia Fetisova përqafojnë dhe puthin kafshën që peshon 650 kilogramë.
Qëllimi është të nënvizohet rëndësia e bashkëjetesës me arinjtë dhe njerëzit të sensibilizohen që të heqin dorë nga gjuetia.
Fotografja Olga Barantseva tregon se dëshironin të tregonin harmoninë që ekziston mes njerëzve dhe arinjve, dhe që nuk duhet të merren me gjueti ndaj miqve që jetojnë në pyll.
Ndërsa, njëra nga modelet tregon se kjo eksperiencë e bëri të kuptojë që arinjtë nuk janë të rrezikshëm për njerëzit.
“Në fillim kisha frikë, por sapo e përqafova, ndjeva ngrohtësinë dhe butësinë e tij”, është shprehur modelja.
/S.L. agjencia e lajmeve “Dyrrah”/
