Trajneri i Kombëtares U-19, Nevil Dede ka bërë publike ditën e sotme listën e futbollistëve të grumbulluar për 2 takimet miqësore që do të zhvillohen me Kosovën U-19, në datat 3 dhe 5 qershor.
Ajo që bie në sy në listën e publikuar nga Dede është prezenca e madhe e futbollistëve që aktivizohen në Shqipëri si dhe ajo e lojtarit të Çelsit Armando Broja, si dhe atij të Lacios, Galip Arapi.
Kuqezinjtë do të grumbullohet më datë 30 maj në qytetin e Durrësit, ku do të zhvillojnë dhe seancat stërvitore për këto dy ndeshje miqësore. Përballja e parë do të zhvillohet në stadiumin “Rexhep Rexhepi” të Drenasit, ndërsa tjetra në “Fadil Vokrri” të Prishtinës.
