Gareth Southgate ka dhënë dorëheqje si trajner i Anglisë pas humbjes së tyre në finalen e Euro 2024 nga Spanja. Anglia arriti në finalen e dytë radhazi të Kampionatit Evropian nën drejtimin e Southgate, por sërish dështoi në pengesën e fundit, duke humbur 2-1 në Berlin të dielën. Duke folur menjëherë pas ndeshjes, Southgate refuzoi të merrte një vendim për të ardhmen e tij – me kontratën që do të skadonte në dhjetor.
Por, Southgate tani ka konfirmuar se do të tërhiqet nga roli i tij pas tetë vitesh në krye të ekipit kombëtar. “Si një anglez krenar, ka qenë nderi i jetës sime të luaja për Anglinë dhe të menaxhoja Anglinë. Ka qenë gjithçka për mua dhe unë kam dhënë gjithçka”. “Por, është koha për ndryshim dhe për një kapitull të ri. Finalja e së dielës në Berlin kundër Spanjës ishte ndeshja ime e fundit si trajner i Anglisë”, ka thënë Southgate në një deklaratë zyrtare të lëshuar nga Federata Angleze.
