Aktori francez, Gerard Depardieu, është përzgjedhur për te luajtur rolin e diktatorit sovjetik, Joseph Stalin, në një film që pritet të xhirohet se shpejti.
Zedhenesi për media i aktorit, tha se Depardieu do te ketë rolin kryesor në filmin sipas romanit të vitit 2013 të autorit francez Jean-Daniel Baltassat, “Le Divan de Staline” (Divani i Stalinit).
Romani ka të bëjë me vitet ’50, përkatësisht me një artist të ri që autorizohet për ta punuar monumentin e Stalinit e që përballet me kontroll nga Shërbimi sekret KGB.
Filmi do të drejtohet nga aktorja franceze Fanny Ardant dhe do të xhirohet nga një kompani franko-portugeze.
Depardieu, 67 vjeçar, e ka marrë shtetësinë ruse në 2013-ten. Shtetësia i është dhënë me dekret presidencial pasi ai publikisht i kishte kritikuar taksat e larta të Francës.
Në intervistat që i ka dhënë gjatë këtij viti, presidentin autoritar të Bjellorusisë, Alyaksandr Lukashenko, ai e ka cilësuar si “njeri të mirë” ndërsa amerikanët i ka përshkruar si “njerëz që në vazhdimësi i kanë shkatërruar të tjerët”.
