Policia e Elbasanit ka gjetur brenda një banese në qytetin e Elbasanit një kufomë të dekompozuar.
Alarmi është dhënë nga qytetarët, të cilët prej ditësh kanë ndjerë aromë të pakëndshme në një nga banesat e pallatit.
Mbrëmjen e djeshme policia ka shkuar në pallatin në lagjen “Beqir Dardha” në Elbasan ne rrugën që lidh bashkinë e këtij qyteti me ish-shkollën Pedagogjike dhe ka gjetur krejtësisht të dekompozuar trupin e gruas.
Sipas hetimit paraprak, në këtë apartament ka jetuar e vetme një grua e paralizuar rreth 70 vjeçe.
Me urdhër të prokurorit kufoma e seksit femër është dërguar për identifikim dhe autopsi në Institutin e Mjekësise Ligjore.
