Gjendet e vdekur në mes të pyllit një 54-vjeçare

Një 54-vjeçare është gjetur e pajetë, në pyll në fshatin Zavalin të Elbasanit, e cila ishte shpallur në kërkim ditën e djeshme.

Policia bën me dije se në trupin e viktimës me iniciale P.B., nuk janë konstatuar shenja dhune.

Denoncimin për largimin nga banesa të 54-vjeçaren e ka bërë nipi i saj.

NJOFTIMI I POLICISË:

Elbasan/Informacion paraprak

Më datë 13.12.2021, rreth orës 13:10, në fshatin Zavalin, Elbasan, është gjetur e pajetë, në pyll, pa shenja dhune, shtetasja P. B., 54 vjeçe, banuese në fshatin Zavalin.

Kjo shtetase ishte shpallur në kërkim për largim nga banesa, pasi më datë 12.12.2021, rreth orës 16:00, shtetasi Th. S., 30 vjeç, banues në fshatin Zavalin, Elbasan, ka bërë kallëzim se ishte larguar nga banesa, tezja e tij, shtetasja P. B., 54 vjeçe, banuese në Zavalin.

Grupi hetimor po punon për sqarimin e rrethanave të ngjarjes.