Një i ri është gjetur i pajetë në një banesë të pabanuar në Shkodër.
Burime zyrtare nga policia kanë bërë të ditur se mbrëmjen e sotme rreth orës 20:20 është gjetur trupi i pajetë i 29-vjeçarit me inicialet A. D.
Dyshimet janë se i riu ka humbur jetën për shkak të një mbidoze.
“Më datë 13.06.2021, rreth orës 20:20, në një banesë dykatëshe të pabanuar në lagjen ‘Ahmet Haxhija’, Shkodër, është gjetur pa shenja jete shtetasi A. D. 29 vjeç. Nga veprimet e para hetimore të kryera nga grupi hetimor nën drejtimin e Prokurorisë, dyshohet se ky shtetas ka humbur jetën disa ditë më parë si pasojë e perdorimit të tepërt të lëndëve narkotike”,- njofton policia.
Vijon puna për sqarimin e plotë të rrethanave të ngjarjes.
