Gjiganti rus i energjisë Gazprom ka njoftuar se gazsjellësi Nord Stream 1 nuk do të rifillojë sipas planit të shtunën, duke përmendur dëmtimin e motorit të turbinës.

Në një deklaratë për mediat, kompania nuk bëri të ditur se kur do të rifillojë punën, duke pretenduar se zbuloi një rrjedhje nafte në turbinën kryesore të gazit në stacionin e kompresorit Portovaya pranë Shën Petersburgut.

Sipas Gazprom, turbina nuk mund të funksiononte në mënyrë të sigurt derisa të riparohej rrjedhja.