Sekretari i Përgjithshëm i PS ka reaguar pas takimit që zhvilloi paraditen e sotme me ambasadoren e SHBA, Yuri Kim në selinë e PS.
Nëpërmejt një postimi në rrjetet sociale, Gjiknuri shkruan se me kryediplomaten amerikane ka diskutuar për zgjedhjet e 14 majit si dhe për situatën aktuale politike.
POSTIMI I PLOTË
Pata kënaqësinë të mikprisja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it pas procesit të fundit elektoral ishin në qendër të diskutimit. E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme.
