DURRËS, 8 korrik 2016 – Një grup anëtarësh të shoqatës së gjuetarëve të Durrësit i thanë agjencisë së lajmeve “Dyrrah” se po përgatiten të marrin pjesë në një ankand për shitje qensh policie, që zhvillohet nga Ministria e Financave në Drejtorinë e Drejtimit të Pronës Publike, më 28 korrik 2015. Gjuetarët i konsiderojnë të arsyeshme vlerat fillestare të qenve, që janë në administrim të institutit të përgatitjes së qenve të policisë së Ministrisë së Punëve të Brendshme. Ata ua njohin meritat këtyre kafshëve të forta, inteligjente dhe besnike.
Kështu, për 3 qenë (Bianka, Goldi dhe Riva) çmimi dysheme është 30 mijë lekë, pasi janë me moshë të re, 2 dhe 3 vjeç. Kurse vlera fillestare për 6 qen (Steni, Ieca, Iela, Vartik, Levi, Asta) është 10 mijë lekë, për shkak të moshës së “madhe”: Levi 10 vjeç, 2 janë nga 8 vjeç, 2 nga 7 vjeç dhe njëri 6 vjeç (shih tabelën, që ka siguruar portali “durreslajm.com”).
/red. ekon. agjencia e lajmeve “Dyrrah”)
