Policia gjermane goditi një bandë droge të martën në mëngjes.
Hetuesit zhvilluan kontrolle në 10 qytete në North Rhine-Westphalia dhe Bavari, me mbështetjen e komandave të operacioneve speciale.
“Bëhet fjalë për tregti të paligjshme të lëndëve narkotike në sasi të mëdha”, konfirmoi Nils Wille, zëdhënës i prokurorisë publike të Duisburgut.
Sipas informacioneve të BILD, oficerët kishin me vete edhe urdhër-arrestet dhe u arrestuan pesë burra 26, 27, 35, 37 dhe 43 vjeç. Mes të arrestuarve ka edhe shqiptarë.
Që nga fundi i vitit 2022, hetuesit e drogës nga Oberhausen kanë “mbledhur prova dhe të dhëna për tregtinë e kokainës, hashashit, marihuanës dhe pilulave ekstazi”, tha një zëdhënës.
Oficerët e policisë kërkuan prova në ambiente banimi dhe biznesi, duke përfshirë Oberhausen, Duisburg, Bottrop, Velbert, Tönisvorst, Rheurdt, Neukirchen-Vluyn dhe Xanten.
Oficerët elitë të policisë thuhet se kanë hedhur në erë një derë apartamenti në një pallat në Xanten.
Në Bavari, bastisjet u zhvilluan në qytetet Bobingen dhe Königsbrunn.
Kërkimi ishte një sukses i madh.Në Velbert, zyrtarët gjetën një plantacion me rreth 1700 bimë marijuanë.
Gjithashtu në cilësinë e provave materiale u gjetën dhe sekuestruan:
1.2 kilogramë kokainë
8.5 kilogramë marijuanë
200 gram amfetaminë
30 tableta ekstazi
50 ml morfinë
një armë zjarri të gjallë dhe gëzhoja
Para cash
kasaforta
Makina
Përveç pesë autorëve kryesorë të arrestuar (me origjinë gjermane, greke dhe shqiptare), në komisariat janë dashur të shkojnë edhe 19 persona të tjerë (ndër të tjera për shkak të shkeljes së të drejtës së qëndrimit).
Vetëm në shkurt policia e NRW ndaloi bandat e drogës gjatë bastisjeve në Bon dhe Werne.
