Grabitet dhe lidhet çifti i bashkëshortëve, policia në kërkim të autorëve

   Një çift bashkëshortësh në fshatin Dvoran të Korçës ka rënë pre e një grabitje të armatosur nga persona të paidentifikuar.

Ngjarja ndodhi rreth orës 19:15 në biznesin privat të çiftit.

Policia thotë se autorët lidhën me litar dhe dhunuan çiftin e bashkëshortëve, të cilëve u morën 50 mijë lekë të reja, 70 Euro dhe 150 Dollarë. Çifti i ka thene policise se grabitësit kanë qenë të armatosur.

Grupi hetimor ka nisur punën për të zbardhur ngjarjen dhe për të identifikuar e arrestuar autorët. 

Njoftimi i Policisë së Korçës:

Më datë 04.12.2017, rreth orës 19:15, jemi njoftuar se në fshatin Dvoran, në ambjentet e një firme private pijesh kanë shkuar persona të armatosur dhe të maskuar.

Nga të dhënat e para dyshohet se këta persona pasi kanë lidhur pronarin dhe bashkëshorten e tij, kanë vjedhur një sasi lekësh prej 50 mijë lek të reja, 70 Euro dhe 150 Dollarë. Më pas këta persona janë larguar me shpejtësi në këmbë.

Në vendngjarje, ndodhen forca të shumta policie. Janë ngritur pika kontrolli për të bërë të mundur identifikimin e kapjen e autorëve.

Nga ana e Policisë po punohet për sqarimin e rrethanave të ngjarjes, si edhe dokumentimin e plotë të saj.