Një furgon që transportonte vaksina anticovid ka rënë pre e grabitësve në Florida, SHBA. Përmes kamerave të sigurisë, policia ka mundur të identifikojë një person që dyshohet se është grabitësi i furgonit.
Me anë të një postimi në “Facebook”, stacioni i policisë së Florida-s ka njoftuar se furgoni u grabit në vendin e quajtur “Strawberry Festival Grounds”, në afërsi të Plant City.
Nuk dihet ende se sa doza vaksinash ndodheshin në furgonin e vjedhur, por policia ka sqaruar se ato po transportoheshin në qendrën e vaksinimit në Plant City.
Policia ka afishuar njoftime të shumta në rrjete sociale, ku i bën thirrje qytetarëve që të bashkëpunojnë me forcat e rendit nëse kanë ndonjë informacion në lidhje me ngjarjen
