Kryeparlamentari Gramoz Ruçi teksa mbajti fjalën para deputeteve në hapjen e sesionit të ri parlamentar, u ndal tek prioritetet dhe pikat kyçe ku do të bazohet institucioni që ai drejton.
Sipas tij, Kuvendi do të vijojë çuarjen përpara të Reformës në Drejtësi, por edhe përmirësimin e Reformës Zgjedhore. Ai ndërkohë theksoi se dora e maxhorancës ka qenë dhe është e shtrirë ndaj opozitës si brenda Kuvendit ashtu edhe asaj që aktualisht vijon betejën jashtë mureve të Kuvendit.
“Prioritetet për këtë sesion janë çelja e negociatave, do përmbyllim gjithashtu reformën zgjedhore, përfshirë këtu futjen edhe të rekomandimeve të OSBE /ODIHR. Dora e shtrirë e Kuvendit për opozitën nuk është një mëshirë, por harmonia e demokracisë. Mbrojtja e Kushtetutës është garancia e Kushtetutës nesër. Reforma në Drejtësi do të vijojë me formimin e institucioneve të reja, mbështetjen me burime njerëzore dhe financiare. Kontrolli parlamentar do të forcohet parmes seancave dhe formave të tjera. Kontrolli i deputetëve me pyetje dhe përgjigje dhe publikimi i tyre në faqen e Kuvendit”– tha mes tjerash Ruçi.
