Policia e Athinës ka bërë të ditur se ka arrestuar pesë shqiptarë dhe katër shtetas grekë pasi ishin të përfshirë në një rrjet kriminal droge, të krijuar nga vetë ata. Shtetasit shqiptarë dhe ata grekë bashkëpunonin me një pronar restoranti për dërgesat e drogës. Droga transportohej nga Shqipëria dhe më pas u dorëzohej grekëve për t’u fshehur në restorantin e ndodhur në Athinë. Burimet bëjnë të ditur se bëhej fjalë për lëndë narkotike Cannabis sativa, që vinte nga Shqipëria. Ndërkohë pas arrestimit, në restorant u ushtrua kontroll, ku u gjet 30 kg hashash.