Një 34-vjeçar shqiptar u vu në pranga nga policia greke, pasi u kap me një sasi lënde narkotike. Mediat greke raportojnë se 34-vjeçari, identiteti i të cilit nuk u bë i ditur, u vu në pranga gjatë natës në zonën e Kosturit pranë Selanikut. Pasi ka marrë informacionin se një i dyshuar transportonte kanabis nga Shqipëria në drejtim të Athinës, efektivët e shtetit fqinj kanë ngritur disa pika kontrolli në autostradë. Gjatë kontrollit të ushtruar në mjetin me të cilin udhëtonte janë gjetur 37.4 kg Cannabis sativa. 34-vjeçari është vënë në pranga me akuzën e trafikut ndërkombëtar të lëndëve narkotike.