Pasditen e së dielës më 7 prill, në Fiumicino të Italisë një grua e dehur dhe e prekur nga AIDS-i ka lënduar 4 oficerë policie. 46-vjeçarja kishte filluar pa arsye të shqetësonte klientët, madje duke sulmuar edhe pronarin e barit.
Ajo thoshte se ishte e prekur nga SIDA dhe do infektonte njerëzit përreth. Policia arriti në bar për të rivendosur qetësinë. Pavarësisht kësaj, gruaja nuk ndalet por sulmon efektivët duke i rrahur, pështyrë dhe kafshuar.
Për pasojë, 4 punonjës policie morën lëndime dhe iu drejtuan spitalit për ndihmë mjekësore. Ndërkohë, 46-vjeçarja u arrestua dhe dërgua në burgun e ‘Civitavecchia-s”.
